Moi boas a tod@s!!!
Comezamos semana con calor, sobre todo na xornada do martes,
cando chegamos os 30ºC nalgún punto e superamos os 25ºC en toda a comarca. Mércores,
por fin, chegaron os cambios en forma de precipitacións. Hoxe xa tivemos maior
inestabilidade coa formación de tormentas importantes durante gran parte da
tarde. O resto de semana continuara inestable, pero penso que xa non tanto.
Despois de tanto tempo sen chover, agradeceuse moito,
ademais fixo moi ben. Primeiro choveu feblemente e así foise mollando a capa superficial
da terra e foi entrando pouco a pouco. Hoxe xa choveu forte por momentos, pero
non fixo mal e a terra conseguiu aproveitar moita. De momento non se ven
grandes cambios, si que choverá menos, aínda que maña pola tarde seguramente
aínda choiva con gañas. Seguramente, en menor ou maior grado, a inestabilidade
nos acompañe polo menos ata mércores.
Predición para os
próximos días:
-Venres día 9; comezaremos
con tranquilidade, nubes e claros e algunha néboa, dende mediodía as nubes
aumentan e teremos precipitacións de tronada, novamente poden ser de
intensidade forte. As temperaturas sen grandes cambios ou subindo algo e os
ventos do sur moderados, podendo acadar certa intensidade no momento do
chuvasco.
-Sábado día 10; teremos
unha xornada de nubes e claros, con mais nubes por momentos e podendo caer
algunha precipitación, penso que será pouca cousa. As temperaturas sen grandes
cambios e ventos do suroeste frouxos.
-Domingo día 11; comezaremos
con nubes e claros, dende mediodía medran nubes coa posibilidade dalgún chuvasco que pode vir con tronada. as temperaturas sen grandes cambios e os
ventos frouxiños de dirección variable.
Comentarios
Publicar un comentario